window.dataLayer = window.dataLayer || []; function gtag(){dataLayer.push(arguments);} gtag(\'js\', new Date()); gtag(\'config\', \'UA-55799332-1\');
Enplegua lortzeko, nazioartekotzeko eta ekiteko gakoak EGAZek antolatutako 3. Enplegu eta Ekintzailetza Jardunaldian

Enplegua lortzeko, nazioartekotzeko eta ekiteko gakoak EGAZek antolatutako 3. Enplegu eta Ekintzailetza Jardunaldian

Julenek orain dela hiru urte amaitu zuen Telekomunikazio eta Informatika Sistemetako goi-mailako gradua Derioko Politeknika Ikastegia Txorierrin, eta ordutik lan bila dabil. Bilaketa “pasiboa” egiten du, baina aurreko asteazkenera arte (ekainak 12) ez zuen merkatua behar bezala arakatzen lana bilatzeko. Hain zuzen, egun horretan, EGAZ Txorierrik antolatutako 3. Enplegu eta Gazteria Jardunaldian hartu zuen parte. Jardunaldia Udal Gaztedi planaren barruan gauzatu zen, Bizkaiko Foru Aldundiaren eta Mankomunitatearen artean finantzatuta. Julenez gain, 18 eta 30 urte arteko dozena bat pertsona baino gehiagok hartu zuten parte jardunaldian, zeinak enplegagarritasunaren eta gazteriaren arloko adituak izan baitzituen protagonista. Horrez gain, zenbait ekintzailek beren esperientziak kontatu zituzten. Gainerako parte-hartzaileak askotarikoak ziren: ingeniaritzan graduatutako pertsonak, profil desberdinetakoak; graduko ikasleak; etorkizunean nazioartekotzeko interesa duten pertsonak; etab. Bizkaiko Foru Aldundiaren Gaztedi Planaren Txorierriko koordinatzaile Isabel Pintorrek eman zion hasiera jardunaldiari. Bere hitzaldian, “enplegua aurkitzeko eguneratuta egoteko” gakoak eman zituen; esaterako, profil eta curriculum eguneratua izatea enplegua bilatzeko zerbitzuetan (adibidez, EGAZen lan-poltsan edo Eusko Jaurlaritzak Gazte Aukeraren edo Gazteentzako Berme Sistemaren bidez emandako zerbitzuetan), eta helburuak planifikatzea eta horiek betetzeko etengabe lan egitea. “Argi izan behar dugu zer egin nahi dugun etorkizunean, eta bereizten jakin behar dugu zer den jarrera pasiboa eta zer proaktiboa enplegua bilatzeko orduan”, esan zuen Pintorrek. “Gakoa da pertsona aktiboak izatea”. Horrez gain, enpresek hautagaiak bilatzeko eta lanpostu hutsak betetzeko garaian eskatzen dituzten gaitasunak ere aipatu zituen: pentsamendu kritikoa, adimen soziala, egokitzeko gaitasuna, kultura, big dataren ezagutzak, zeharkako diziplinak eta sormena. Horixe azpimarratu nahi izan zuen EGAZ Txorierriko enpleguko teknikari Susana Vidalek ere. Horretarako, taldeko dinamika bat egin zuen, lanpostuetarako hautagaiek erakutsi behar duten egokitzeko gaitasunak, malgutasunak eta gogoak zer-nolako garrantzia duten adierazteko. “Kontratatzen...
Txorierriko enpresek Txilen, Kolonbian eta Frantzian negozioa egiteko aukerak Elkarrekin Munduraren hirugarren edizioan

Txorierriko enpresek Txilen, Kolonbian eta Frantzian negozioa egiteko aukerak Elkarrekin Munduraren hirugarren edizioan

Hauek dira, besteak beste, Elkarrekin Mundura proiektuaren misio komertzialen puntu indartsuenetako batzuk: neurrira egindako kontaktuen agenda, bilkura instituzionalak, beste enpresa batzuekin elkarlana eta laguntza teknikoa jatorrian eta helmugan. Bada, misio horien barruan, maiatzean eta ekainean Bizkaiko 20 enpresa (horietako 5 Txorierrikoak) Kolonbia, Frantzia eta Txilera joan dira, merkatu horietara iristeko asmoz. EGAZ Txorierrik Bizkaiko lau garapen agentziarekin eta Garapen Agentzien Euskal Elkartearekin (Garapen) elkarlanean sustatzen duen sektore anitzeko ekimen hau hirugarren aldiz egin da aurten, xede hauekin: elkarlana sustatzea; inguruko enpresa txikiak banatzaile potentzialekin, bezeroekin, nazioarteko merkatuko kide eta merkatariekin harremanetan jartzea; eta beren jardueren hartzaile gisa eskaintzen dituzten aukerak ezagutzen laguntzea. “Kolonbiako merkatua Espainiakoaren oso antzekoa da biztanleriari dagokionez, eta, gure kasu zehatzean –hortzetarako tresnak–, baita odontologiako profesionalen kopuruan eta urtero tituludun bihurtzen diren pertsonen kopuruan ere”, adierazi du Rosner Precisión SLko Francisco Macuak. Enpresa horrek hortzetarako tresnak saldu eta konpontzen ditu odontologiaren sektorean, eta 2019ko maiatzaren 6tik eta 10era artean Kolonbiara eginiko misio komertzialean parte hartu duten Txorierriko hiru enpresetako bat da –Herflex Sistemas SL eta Compensadores y Dilatadores del Norte SLrekin batera–. Macuaren ustez, esperientzia oso positiboa da. Batez ere, proiektuak prestatu zien neurrira egindako kontaktuen agenda nabarmendu du. “Beste misio komertzial batzuetan parte hartu izan dugu, baina oraingoan lehen aldiz prestatu digute neurrira egindako kontaktuen agenda bat, eta, egia esan, bidali ziguten banatzaileen zerrendatik oso interesgarriak ziren guztiak; batzuk ez genituen ezagutu ere egiten”, baloratu du Makuak, zeinak adierazi baitu esperientzia oso positiboa izan dela. Dinamika berean, maiatzaren 20tik 23ra Lyoneko (Frantzia) misio komertzialean hartu zuen parte bigarren enpresa-taldeak; horien artean zegoen Txorierriko Flexix SA. Ekainaren 10etik 14ra, berriz, enpresen hirugarren taldea Txilera joango da...
Izen-ematea zabalik! EGAZ Txorierrik merkataritzako jarduera osagarrietako prestakuntza emango die desgaitasuna duten edo DSBE jasotzen duten hamar laguni

Izen-ematea zabalik! EGAZ Txorierrik merkataritzako jarduera osagarrietako prestakuntza emango die desgaitasuna duten edo DSBE jasotzen duten hamar laguni

EGAZ Txorierri Txorierriko Mankomunitatearen Sustapen Ekonomiko eta Enplegu Zerbitzuak merkataritza eta marketin esparruko gaitasunen inguruko prestakuntza emango die hamar laguni, zehazki, merkataritzako jarduera osagarriei buruz, irailaren 9tik aurrera. Izen-ematea zabalik dago eta EGAZ Txorierrin egin daiteke. Ikastaroa % 100ean lagunduko du diruz Bizkaiko Foru Aldundiko Enplegua, Gizarteratzea eta Berdintasuna Sailak eta desgaitasuna dutenei eta/edo DSBE jasotzen dutenei zuzentzen zaie, baita beste kolektibo behartsu batzuei ere. Parte-hartzaileek langabeak izan behar dute, Lanbiden izena emanda egon eta Bizkaiko udalerriren batean erroldatuta egon. Gainera, prestakuntzak enpresetako praktikak barne hartzen ditu, laneratzeko aukera handiekin. Ikastaroa irailaren 9tik azaroaren 12ra bitartean egingo da, 09:00etatik 14:00etara. Izena emateko epea irekita dago jada, eta 944 53 63 70 telefono zenbakira deituta, empleo@txorierri.eu helbide elektronikora idatzita edo EGAZ Txorierriren egoitzan bertan (Txorierri Etorbidea 46, Pab. 13, Sondika) egin...
EGAZ Txorierrik Enplegu eta Gazteria Jardunaldia egingo du ekainaren 12an, ekintzailetza eta prestakuntza protagonista gisa hartuta

EGAZ Txorierrik Enplegu eta Gazteria Jardunaldia egingo du ekainaren 12an, ekintzailetza eta prestakuntza protagonista gisa hartuta

EGAZ Txorierrik, Txorierriko Zerbitzuen Mankomunitatea osatzen duten udaletako Enplegu eta Sustapen Ekonomikoko Zerbitzuak, Enplegu eta Gazteria Jardunaldia egingo du hirugarren aldiz. Datorren asteazkenean izango da, ekainaren 12an, eta enplegagarritasunaren eta gazteriaren arloko zenbait aditu izango dira bertan, protagonista gisa. EGAZen egoitzan izango da (Txorierri etorbidea 46, 13A – Sondika), 10:00etatik 13:30era, eta 18 eta 30 urte bitarteko gazteei zuzenduta egongo da. Bertan, ekintzaileen esperientziak entzuteko eta bekei edo gazteentzako enpleguari buruzko informazioa jasotzeko aukera izango dute. Jardunaldia goizeko hamarretan hasiko da, Bizkaiko Foru Aldundiaren Gaztedi Planaren Txorierriko koordinatzaile Isabel Pintorren hitzaldi batekin, zeinak, bertaratuei ongietorria egiteaz gain, zenbait aholku emango baititu “enplegua aurkitzeko eguneratuta egoteari” buruz. Ondoren EGAZeko ekintzailetzako teknikari Iñigo Mazo izango dugu gurekin, eta eskualdean gazteen ekintzailetzarako eskaintzen diren laguntzei buruzko informazioa emango du, baita sustatzaileen ideiak tutorizatzeko eta martxan jartzeko zerbitzuari buruzkoa ere. Hurrengo hitzaldia 11:15ean izango da, eta hor ere Txorierrin enplegua lortzera bideratuta dagoen prestakuntza-eskaintza aztertuko da. Horrez gain, taldeko dinamika bat ere egingo da, enpresek beren lanpostu hutsak betetzeko gehien eskatzen dituzten gaitasunak garatzeko lagungarri izango dena. Saregileak programako Iñigo Umaranek bekei, enpleguari eta prestakuntza edo enplegua lortzeko ezagutu beharreko beste alderdi batzuei buruzko informazioa emango die gazteei (Saregileak programa ere Foru Aldundiak sustatzen du, eta helburu gisa du gazteen eta erakundeen arteko komunikazioa hobetzea eta espazio komunetan sareak sortzea). Azkenik, 13:00etan, Haize Truebak azalduko digu berak nola heldu zion ekintzailetzari ‘Mujer Inspira’ programaren bidez; izan ere, Haizea Kuvu-ren sortzaileetako bat da (ostatua partekatzeko plataforma bat, gazteak eta beren etxeetan lekua libre duten adinekoak harremanetan jartzen dituena). Txorierriko Zerbitzuen Mankomunitateko udalen Enplegu eta Sustapen Ekonomikoko Zerbitzua da EGAZ Txorierri. Horrenbestez, bere xedea da...
‘Inguru zientifikoa eta ikerketakoa ikusgarri egiteak bokazioei laguntzen die’

‘Inguru zientifikoa eta ikerketakoa ikusgarri egiteak bokazioei laguntzen die’

Antonio Laso Garcíak eta Eneko Ochoa Larringanek Bizkaiko Foru Aldundiaren BEAZeko Biokabi inkubadoreko bi enpresarentzat egiten zuten lan, eta han ezagutu zuten elkar. Lehena doktorea da Kimika Organikoan, eta bigarrena lizentziaduna Biologian; ondo konpondu ziren elkarrekin, eta berena izango zen enpresa-proiektu bat abiaraztea erabaki zuten. Bidean, Biokabiko zuzendariak lagundu zien, Fernando Bovedillak. Horrela sortu zen AleoVitro. Bizkaiko Parke Zientifiko eta Teknologikoan dago kokatuta, teknologia garbien, bioteknologiaren, mikroteknologiaren eta nanoteknologiaren arloko beste proiektu batzuekin batera. Duela ia hamar urtetik, landareak in vitro ugaltzearen gainean ikertzen dute —farmakologian aplikazio handiak dituen eremu bat da, baina baita galzorian dauden espezieak leheneratzen eta hazi bidez transmititzen diren gaixotasunak osatzen ere—, baita farmakoekin eta beste printzipio aktibo batzuekin lotutako laginen analisi kimikoa eta eliteko kirolarientzako profil metabolikoen analisia ere. Otsailean, haien proiektua eta eguneroko lana inspirazio-iturri izan da Ezagutu Aukeratzeko programaren barruan antolatzen diren enpresetako egun bateko egonaldietako batean. Egonaldi horiek etorkizunerako erabaki hobea hartzeko balio dute, eta Gaztedi gazte enplegua hobetzeko programaren barruko ekimenaren barruan daude. Txorierriko Mankomunitateak darama aurrera, Erandioko Udalarekin batera, eta Bizkaiko Foru Aldundiak ere finantzatzen du. Harekin, gazteek aukera dute egun bat pasatzeko enpresa laguntzaileetan; AleoVitron, esaterako. Galdera.- Zerk lotzen ditu itxuraz hain desberdinak diren bi iker-lerro horiek, biologia botanikoa eta kimika organikoa? Erantzuna.- Azken batean, sendagaiak landareetatik datoz: aspirina sahatsaren azaletik dator; aldaketa bat egin zitzaion azido salizilikoa azido azetilsaziliko bihurtzeko, zeina ez baita ez hain azidoa eta ez hain zakarra digestio-aparatuarentzat. Halako zerbait egiten saiatu ziren morfinarekin, zeina amapolatik ateratzen baita: azetilatu egin zen, eragin mendekotasun-sortzaileak kentzeko… baina heroina atera zen. G.- Zein dira AleoVitroren ikerketen laborategitik kanpoko aplikazioak? E.- Farmakoen saiakuntzetan laguntzen dugu, galzorian dauden espezie...