by beatriz | Mai 27, 2019 | berrikuntza, enplegua
EGAZ Txorierrik mezularitza-zerbitzuek ematen dizkioten aukeren aldeko apustua egiten du eskualdeko pertsonengana hurbiltzeko, komunikazio-kanal berri bat sustatzearen bidez. Hari esker, berehala jakin ahal izango dira Txorierriko Mankomunitateko Ekonomia Sustapen eta Enplegu Zerbitzuko aktualitateko albisteak. EGAZ Txorierriko WhatsApp zerbitzuan harpidetzen denak (681 251 800) erakundeak argitaratutako enplegu-eskaintzak, prestakuntza-aukerak eta EGAZen inguruko albiste garrantzitsuenak jasoko ditu aldian-aldian. Albiste-zerbitzu honetan izena ematea doakoa da, eta oso erraza. Nahikoa da zure mugikorreko agendan 681 251 800 telefonoa gehitzea eta WhatsApp mezu bat bidaltzea, EGAZ idatzita. Harpidetza balioztatzean, informazioa jaso ahal izango duzu (zure datuak Datuak Babesteko Legeak babestuko ditu). Izena emateko urratsak: Gehitu agendan EGAZen zenbakia: 681 251 800 Idatzi mezu bat WhatsaApp bidez, EGAZ testuarekin, gure datu-basean sartzeko Zerbitzua balioztatzean, informazio eguneratu guztia jaso ahal izango...
by beatriz | Mai 22, 2019 | Albisteak, Albisteak
Material birziklatuak erabiliz egindako altzariak merkaturatzeko proiektu bat eta hezkuntzan nahiz prototipoak egiten dituzten enpresetan, baita desgaitasunen bat duten pertsonentzat neurrira egindako tresnak egiteko ere, erabil daitekeen 3D inprimatze-proiektu bat izan dira ekintzailetzako ideien bideo lehiaketaren I. edizioko irabazleak. EGAZek eta Politeknika ikastegiak antolatu dute Txorierrin, Bizkaiko Foru Aldundiak sustatzen duen Gaztedi programaren barruan, Txorierriko Mankomunitatearekin batera. Ekimen horren bidez, Bizkaiko Foru Aldundiaren gazteria-programak Txorierrin kultura ekintzailea ezartzearen aldeko apustua egin du, gazteei zuzenduriko proposamen baten bidez. “Kultura ekintzailea ez da soilik enpresak sortzea, baizik eta baita pentsatzeko gaitasuna garatzea ere”, azpimarratu zuen Politeknika Txorierri ikastegiko zuzendari Josu Orbek sari-banaketan, joan den maiatzaren 13an. Politeknikako ikasleek eta, oro har, Txorierrin erroldatutako 16 eta 29 urte arteko gazteek parte hartu ahal izan dute ekimenean. Parte hartzeko, ideia ekintzaile bat jasotzen zuen bideo bat bidali behar zen; hain zuzen ere, ikaskuntzari loturiko proiektu berritzaile bat edo enpresa-ideia bat. Jasotako proposamen guztien artetik, Eneko Barcinak irabazi du banakako kategorian; talde-kategorian, berriz, Jon Ander Machuron, Julene Madariaga, Iraida Bueno eta Nerea Hidalgoren taldeak irabazi du. Barcina Telekomunikazio eta Informatika Sistemen Gradua ikasten ari da Politeknika Ikastegian, eta 3D inprimagailuak ikasgeletara eramateko bere proiektuarekin irabazi zuen saria: nola funtzionatzen duen azaldu zuen eta diseinuak gero inprimatutako pieza nola bihurtzen diren erakutsi zuen. Horrez gain, bere proiektua prototipoekin aritzen diren enpresetan ere aplika daiteke. “Piezak azkar eta merkeago inprima ditzakete, probak eta prototipoak egiteko. Horrez gain, desgaitasunen bat duten pertsonentzat ere erabilgarria da, egunerokoan lagungarriak izango zaizkien tresnak erraz eta azkar egin daitezkeelako”, azaldu du banakako kategoriako irabazleak; haren esanetan, lehiaketan gehien kostatu zitzaiona bere ideia negozio gisa ikustea izan zen. Jon Ander Machuron, Julene...
by beatriz | Mai 6, 2019 | Uncategorized @eu
HAZILAN proiektuaren bederatzigarren edizioko zortzi parte-hartzaileek gogor egin dute lan euren gaitasun pertsonalak garatzeko eta, apirilaren 23an, praktikak hasi zituzten Lointek enpresan. Enpresa horrek industria-ekipo handiak diseinatu eta fabrikatzen ditu. Han, tutore bat izango dute, enpresan zer egin behar duten azaltzeko. Hodia xafla automatizatura soldatzeko teknika irakatsiko die. Ikastaroak % 100eko diru laguntza du (% 50 Europako Gizarte Funtsa eta % Egaz Txorierri), eta goi-mailako titulu bat duten eta langabezian dauden 20 eta 44 urte arteko pertsonei zuzentzen zaie. Guztira zortzi pertsonak bukatu zuten alderdi teorikoa, “ilusioz eta gogoz”; hala ere, Enekok aitortzen du prestakuntza hasi aurretik “zalantzak” zituela, nahiz eta esan duen ikastaroak “nabarmen gainditu dituela” aurretik zituen espektatibak. Orain, Lointek enpresak lan-merkatura itzultzeko aukera emango die; horretarako, 200 orduko praktikaldia egingo dute, ekainera arte, kontratu bat eskuratzeko benetako...
Iruzkin berriak