window.dataLayer = window.dataLayer || []; function gtag(){dataLayer.push(arguments);} gtag(\'js\', new Date()); gtag(\'config\', \'UA-55799332-1\');
Abian da HAZILAN, gaitasun pertsonalak eta profesionalak garatzeko eta enpresetan praktikak egiteko programa

Abian da HAZILAN, gaitasun pertsonalak eta profesionalak garatzeko eta enpresetan praktikak egiteko programa

Hamar pertsonak parte hartuko dute HAZILANen, gaitasun pertsonalak eta profesionalak garatzeko eta enpresetan praktikak egiteko programa. Hain zuzen ere, ekimena irailaren 17an hasiko da. Proiektuaren helburua da Txorierriko langabeak prestatzea lan-merkatuak eskatzen dituen gaitasun sozial eta profesionaletan, eta nahi duten lanpostuan esperientzia lor dezaten erraztea. Ikastaroa zazpigarrenez emango da aurten, eta 20-44 urte arteko langabeak diren eta goi-mailako prestakuntza duten pertsonak aktibatzeko xedea du. HAZILAN % 50ean finantzatzen dute Europako Gizarte Funtsak eta EGAZ Txorierrik, eta oso-osoko prestakuntzako 80 ordu izango ditu. Prestakuntza praktikoa izango da, eta pertsonaren alderdi guztiak lantzea izango du helburu, gaitasun pertsonalak eta profesionalak garatzen eta lan-merkatuan kokatzen laguntzeko. Ikastaroan izena emandakoak praktiketan hartu nahi dituzten enpresek EGAZ Txorierrin jaso dezakete informazio gehiago. Praktikek 2-6 hilabete iraungo dute; hartara, ikasleak esperientzia lortu ahal izango du nahi duen lanpostuan, modu pertsonalizatuan eta etengabeko tutoretzapean. Horren helburua da pertsona horien zeharkako gaitasunak hobetzea, eta, batik bat, izena emandakoei curriculum akademikoan islatuta ez dauden baina enplegua bilatzerakoan curriculumean agertzen direnak bezainbesteko garrantzia duten gaitasun pertsonalak identifikatzen eta indartzen...
Abenduaren 31ra arte eskatu ahal izango dira Txorierri Bekak, hots, gazteak lanekoak ez diren praktikak egiteko kontratatzeko enpresetarako laguntzak

Abenduaren 31ra arte eskatu ahal izango dira Txorierri Bekak, hots, gazteak lanekoak ez diren praktikak egiteko kontratatzeko enpresetarako laguntzak

Gaurtik hasi eta abenduaren 31ra arte (eskaerak aurkezteko azken eguna) lortu ahal izango dira 18 eta 29 urte arteko pertsonak lanekoak ez diren praktikak egiteko hartuko dituzten enpresetarako laguntza ekonomikoak. Gazteek Txorierriko eskualdean erroldatuta egon behar dute, langabeak izan behar dute eta profesionaltasun-ziurtagiria, prestakuntza-zikloren bat edo unibertsitateko gradua izan behar dituzte. Beka horiek 6 hilabete iraungo dute eta 3.600 euroko zenbatekoa izango dute (hilean 600 euro). Txorierriko gazteentzako prestatzeko eta lan egiteko aukera bat dira; bekei esker, gazteek lan-munduarekin lehenengo harremana izango dute, ordainduta eta tutoretzapean, enpresetako praktikak eginez. EGAZ Txorierrik 6 beka kudeatuko ditu. Laguntza ekonomiko horiek lortu ahal izango dituzte Lanbide-Euskal Enplegu Zerbitzuaren bitartez lanekoak ez diren praktikak egiteko gutxienez 6 hilabetez gazte bat hartzen duten enpresek, eta gazteek 2018ko ekainaren 1etik abenduaren 31ra bitartean egin beharko dituzte praktikak. Bekak Gaztedi Bizkaia Txorierri Erandio 2018 programaren barruan daude. Programa hori Txorierriko Mankomunitateak eta Bizkaiko Foru Aldundiak jarri dute...
Irailaren 12an, Hazilan gaitasunen ikastaroaren (enpresetako praktikak eta guzti) inguruko hitzaldi informatiboa egingo da, laster hasiko baita haren zazpigarren edizioa

Irailaren 12an, Hazilan gaitasunen ikastaroaren (enpresetako praktikak eta guzti) inguruko hitzaldi informatiboa egingo da, laster hasiko baita haren zazpigarren edizioa

Datorren asteazkenean, irailaren 12an, EGAZ Txorierrik hitzaldi informatibo bat emango du Hazilan gaitasun pertsonalen ikastaroaren gainean. Txorierriko langabeentzat da ikastaro hori, eta 80 prestakuntza- eta enpresetako praktika-ordu izango ditu. Irailaren 17an hasiko da. Ikastaro horretan, goi-mailako prestakuntza duten 20 eta 44 urte bitarteko pertsonak prestatuko dira curriculumean agertzen ez diren baina lan-merkatuan ezinbestekoak diren gaitasun sozial eta profesionaletan. Gainera, aukera emango zaie nahi duten lanpostuan esperientzia lortzeko. Ikastaroak sei hilabete iraungo du, eta haren xehetasun guztiak irailaren 12ko hitzaldi informatiboan emango dira, 11:00etatik aurrera. Hitzaldira joan nahi dutenek hemen eman dezakete izena. Ikastaroan izena emateko epea ere irekita dago, eta EGAZ Txorierrin egin daiteke. Han emango da programaren prestakuntza-fasea, irailaren 17tik urriaren 5era, 09:00etatik 14:00etara. Ikastaroa erdi bana finantzatu dute Europako Gizarte Funtsak eta EGAZ Txorierrik, eta guztira prestakuntza integraleko 80 ordukoa izango da. Prestakuntza praktikoa izango da; pertsonaren gaitasun pertsonal eta profesionalak garatzeari eta lan-merkatuan kokatzeari begirako alderdi guztiak landuko dira. Gainera, 15 orduko banakako tutoretzak izango dira, banan-banango segimenduarekin, helburua finkatzeko eta pertsonaren prozesuaren bilakaera baloratzeko. Ondoren, ‘Kokatu’ fasean praktikak egin ahal izango dira sektoreko enpresetan, 2 eta 6 hilabete artekoak. Proiektuaren aurreko edizioan prestakuntza otsail eta martxo bitartean egin zen, eta parte-hartzaileetako bat enpresa batean sartu zen, kontratuarekin, eta beste batek Txorierri Beka bat lortu zuen, sei hilabetez praktikak...