by beatriz | Ira 28, 2017 | Sailkatu gabea
Irailean, Hazilan proiektuaren hirugarren edizioko ikastaroa hasi da, Europako Gizarte Funtsak eta EGAZ Txorierrik diruz lagunduta; besteak beste, taldeko lanaren eta sormenaren balioak irakatsiko zaizkie goi mailako titulazioa duten 44 urtetik beherako langabeei. Ikastaroan, parte-hartzaileetako bakoitzaren gaitasun pertsonalak indartzeko dinamikak eta taldeko tailerrak landuko dira. Parte-hartzaileak diziplina ugaritatik datoz eta askotariko arloetan trebatuta daude, hala nola zuzenbidean, ingeniaritzan, lan harremanetan, ikus-entzunezko komunikazioan, arkitekturan eta enpresen administrazioan. Hazilanek –hirugarren edizioa da honako hau– aintzat hartzen du “gaitasun pertsonalak eta profesionalak” curriculumean jasotzen diren ezagutzak bezain garrantzitsuak direla. Horregatik, ikastaro honetan, parte-hartzaile bakoitzak etekina aterako dio bere ahalmenari, motibazio-saioen, taldeko dinamika sortzaile eta berritzaileen –‘Lego Serious Play’ metodologia, adibidez– eta orientazio pertsonalizatuaren bidez. Horrela, ikasleek teknika eta ezagutza jakin batzuk eskuratuko dituzte, eta enpresei hobeto azaldu ahal izango diete zergatik kontratatu beharko lituzketen. Gainera, parte-hartzaileak laster prest egongo dira enpresetan hasteko, programak eskaintzen dituen praktikak eginda. Izan ere, programaren helburu nagusia langabeei kalitatezko enplegua ematea...
by beatriz | Ira 8, 2017 | Albisteak, Albisteak, enplegua, enplegua, Enpresa, Uncategorized @eu
Azaroaren 10era arte irekita egongo da enpresek gazte langabetuak (30 urtetik beherakoak) kontratatzeko diru-laguntzak eskatzeko epea. Diru-laguntza horiek kolektibo horren enplegagarritasuna hobetzea xede duen Lehen Aukera 2017 programaren barnean emango dira; hain zuzen ere, esperientzia profesionala lortzen eta lan-munduan sartzeko prozesua sendotzen lagunduko zaie. Diru-laguntzaren zenbatekoak desberdinak izango dira sinatutako kontratu motaren arabera (mugagabea edo praktiketakoa): 7.600 eurora arte kontratu mugagabeengatik, 4.500 eurora arte 6 hilabeteko kontratuengatik, eta 4.950 eurora arte 12 hilabeteko kontratuengatik. Zenbateko horiek % 10 areagotuko dira kontratuak emakumeei egiten bazaizkie emakumeen ordezkaritza gizonezkoena baino txikiagoa den lanbideetan; Lanbide-Euskal Enplegu Zerbitzuaren webgunean argitaratuko den taula batean zehaztuko dira lanbide horiek. Nahi duten enpresek eskaera aurkez dezakete EGAZ Txorierriren bulegoetan. Aldeko ebazpena jasotzen badute, hilabeteko epea izango dute enplegu-eskaintza aurkezteko. Kontratuak 2017ko abenduaren 10ean hasiko dira beranduenez, lanaldi oso edo partzialekoak izan beharko dute (inoiz ere ez ezarritako lanaldiaren % 70 baino gutxiagokoak) eta lanpostuek bat etorri beharko dute kontratatutako pertsonaren ikasketa- edo prestakuntza-mailarekin. Praktiketako kontratuek 6 hilabeteko iraupena izan beharko dute gutxienez. Baldintzak EGAZ Txorierriren webguneko laguntzen atalean kontsulta daitezke. EGAZ Txorierri agentziak Lanbideren baimena dauka kontratatzeko laguntza hau...
Iruzkin berriak