window.dataLayer = window.dataLayer || []; function gtag(){dataLayer.push(arguments);} gtag(\'js\', new Date()); gtag(\'config\', \'UA-55799332-1\');
ATOMIKA STUDIO, EKITEAREN ABENTURA

ATOMIKA STUDIO, EKITEAREN ABENTURA

GEM Global Entrepreneurship Monitor-en arabera, enpresa berrien bizi-zikloak ez ditu bi urte gainditzen, eta % 4k besterik ez dute bost urte baino gehiago irauten. Hala eta guztiz ere, Atomika Studioren enpresa-abenturak hamalau urte iraun du. Atomika Studioren hiru sortzaileak –Aimar Ruiz, Jon Goikuria eta Unai Langarika‑ pozik daude euren kasa lan egiten ikasi duten guztiarekin. Larragoiti jauregian instalatu ziren, hau da, Txorierri industrialdean dagoen Txorierriko enpresa-haztegian. Esperientziak zapore gazi-gozoa utzi die: orain beste bide bat hartuko dute, baina “ekiten asko ikasten da, eta enpresa-munduarekiko beldurra kentzen dizu”, adierazi du Jonek. Diseinu-, komunikazio- eta bideo-agentzia hori sortzeko, Egaz Txorierriren aholkularitza jaso zuten negozio-ideia nola garatu eta enpresa funtsean nola kudeatu ikusteko. Horrez gain, ekintzailetzarako laguntza publikoak eskatzen lagundu zien. Beste ekintzaile askok bezala, krisi hitza erabiltzen dute euren enpresa sortzearen alde zergatik egin zuten azaltzeko. “Hasiera oso ona izan zen; hasieratik genituen zenbait proiektu ziurtatuak, eta berehala hartu genuen martxa”, azaldu du Aimarrek. Eurek eginiko lanen artean, Sondikako inauterietarako agindu zieten bideo batez daude harroen, baita ostalaritza-establezimendu baterako egindakoaz ere. Imanol Gallarzagoitia abeslariaren webgunea ere haiek egin zuten. “Lan bakoitzak jende gehiago ezagutzeko aukera ematen du, eta jende horrek beste pertsona batzuengana eramaten zaitu”, azaldu du Jonek.   Bezeroak bilatzea “Txipa jarrita eduki behar da beti”, esan du Aimarrek. Haren iritziz, merkataritza-jarduera da bereziki zailena sortu berri den enpresa batentzat. Gainera, enpresa txikia zenez, zailago egiten zitzaien enpresa handietara iristea, eta konturatu dira enpresa handiek ematen diotela balio handiena irudiari eta komunikazioari. “Enpresa handiek badakite dirua inbertitu behar izango dutela, baina enpresa txikientzat gastu bat da, eta ez dute beharrezkotzat jotzen”, adierazi du Jonek. Komunikazioaren eta marketinaren arloan dagoen lan-intrusismoa ere...
Enplegua eskuratzeko balioetan hezteak duen garrantzia

Enplegua eskuratzeko balioetan hezteak duen garrantzia

Egazek, Europako Gizarte Funtsarekin eta Garapenekin elkarlanean, lan munduan sartzeko baliabide gutxien dituzten pertsonen aldeko apustua egiten jarraitzen du. Oraingo honetan, Balioetan Hezteko Hazilan Ikastaroaren II edizioa egingo dugu; ikastaro horren hartzaileak lan-munduan esperientzia gutxi duten eta lehenengo aldiz lana bilatzen ari diren 20 eta 35 urte arteko gazteak dira. Ikastaroak bi fase ditu. Lehenengo fasearen helburua da tailerrak eta motibazio-dinamikak erabiltzea enplegua bilatzeko baliagarriak diren gaitasun pertsonalak eta profesionalak garatzeko. Bigarren fasean, berriz, enpresekin harremanetan jarriko gara bertan praktikak egiteko. Bigarren fasean hiru baliabide hauek izango ditugu eskura: Lanekin, lanpostu zehatz baterako prestakuntza berezitua, langileak kontratatu behar dituzten enpresetan; Kokatu, 3 eta 6 hilabeteko iraupena duten praktikak enpresetan, tutore baten laguntzarekin, parte-hartzailearen profil profesionalerako baliagarria den esperientzia eskuratzeko; eta Talentu Ihesa, gaitasun profesionala handitzeko; horretarako, lanpostuak sortuko dituzten enpresa-proiektuetan parte hartuko dute, bereziki nazioartekotzearen, berrikuntzaren eta teknologia berrien arloan.   Balioetan Hezteko Ikastaroaren II edizioan, enpatia, talde-lana, adimen emozionala eta motibazioa landu ziren, eta balioak sendotu ziren. Ikastaroan parte hartu zutenek izugarrizko motibazioa transmititu ziguten, eta orain tresna gehiago dituzte lan-munduari aurre egiten diotenean erabiltzeko. Tania, Ion, Elsa eta Laura izan ziren ikastaroaren II. edizioan parte hartu zutenak, eta txalotu egin zituzten haiekin batera lanean aritu ziren pertsonak. Horrez gain, jarrera proaktiboa izatearen eta erronka berriak bilatzearen garrantzia azpimarratu zuten. Bakoitzak bere ikuspuntua du; hala ere, guztiek esaten dute ikastaroari esker orain konfiantza handiagoa dutela. Hazilan proiektuari esker, Egaz Txorierrik dagoeneko 32 pertsona kualifikaturen balioak aktibatu eta sendotu ditu. Eskualdeko enpresek kontratatzen dituzten langile gazteek, beraz, ez dituzte soilik gaitasun akademikoak izango, baizik eta ikasitako guztia enpresan praktikan jartzeko gai ere izango dira. Gazte horiek beren ibilbide profesionalaren...
Abian da Derion Tokiko Enplegua Sustatzeko Programa

Abian da Derion Tokiko Enplegua Sustatzeko Programa

Lan-munduan sartzeko zailtasunak dituztenei edo baztertuak izateko arriskuan daudenei enplegurako ateak irekitze aldera, Derioko Udalak 77.750 € bideratu ditu Tokiko Enplegua Sustatzeko Programara, talde politiko guztien adostasunarekin. Plan hau Egaz Txorierrik bideratu du, eskualdean ekonomiaren garapenaz eta enpleguaz arduratzen den eragilea baita, eta, plan horren bitartez, bost pertsona aldi baterako kontratatuko dira.  Planak hiru fase izango ditu: gaitasun profesionalak bereganatzea, laneko segurtasunari buruzko ikastaro bat eta kontratazioa bera. Lehenengo fasean, enplegua lortu duten bost pertsonek –bi peoi, ofizial igeltsero bat, ofizial kofratzaile bat eta administrazio-laguntzaile bat‑ eta erreserban dauden beste bostek prestakuntza jaso dute astebetez, Egaz Txorierri taldearen eskutik. Talde-dinamiken eta coaching-saioen bitartez, komunikazioa, motibazioa, indarguneen eta ahulguneen hautematea eta halako gaitasun eta trebetasunak landu dituzte. Ikastaroaren asmoa da konfiantza ematea eta lanpostu bat lortzeko aukerak areagotzea pertsona horiek lan bila ari direnean edo lanpostu baterako hautagai direnean. Ondoren, Tokiko Enplegua Sustatzeko Planaren bitartez zehaztutako lanpostuetarako hautatutako bost pertsona horiek laneko arriskuak prebenitzeko ikastaro bat jasoko dute, lanean hasi aurretik. Ikasleen iritziak gaitasunen ikastaroari buruz Mariano Yáñez: “Ikastaroa lagungarria izan daiteke nolabait, lana lortzeko”. Jaime Bran: “Oso lagungarria iruditu zait, bereziki elkarrizketetan beldurra galtzen laguntzen duten taktikak ikasteko”. Mónica Gómez: “Jendearekiko jarrera irekiagoa izateko lagundu dit, baita neure buruari ausarta naizela erakusteko ere”. José Luis Martínez: “Gauzak bilatzeko ausartagoa izaten lagundu dit, eta agian neure kasa lanean jartzeko ere balioko dit”. Nekane Orue: “Neure burua hobeto ezagutzeko balio izan dit, zehazki, neure ahulguneak eta indarguneak zein diren jakiteko. Konturatu naiz lankide ona naizela eta gustuko dudala taldean lan egitea”. Alejandro Yáñez Jaime Bran Mónica Gómez José Luis Martinez Nekane Orue Marian Elorrieta Guillermo Martín Begoña Gaubeka Iñaki Hernández Adolfo...