by Egaz | Api 29, 2016 | Albisteak, Albisteak, Albisteak, enplegua, Enpresa, Enpresa
CVk iraganaz hitz egiten du, baina, kontratatzean, etorkizunean pentsatzen da. Hori aintzat hartuta, CVk alderdi profesionalaz gain, pertsonaren ezaugarri nagusien profila ere jaso behar du. Hau da:adierazi egin behar dugu zer egin dezakegun, zein eskain diezaiokegun erakunde bati, garen bezalakoak izateari esker. Gure gaitasun baliagarriez, pertsona gisa identifikatzen gaituen hartaz hitz egitea mesedegarria izan daiteke. Zein gaitasun du pertsona batek, nahiz eta ez izan lan-esperientzia handirik? Maiz, guk uste baino gaitasun gehiago ditugu gure armairuaren barrenean. Adibidez, pertsona batek gradu-mailako prestakuntza jaso du, hizkuntzaren bat ikasi du eta informatika arloan trebatu da. Jasotako ezagutzez haratago, azpimarratu ahal da erronkei (azterketak) aurre egiteko gai dela, ikasteko gaitasuna (informatika) sustatu nahi duela eta mugaz gaindi begiratzen duela (hizkuntzak). Halaber, esan daiteke pertsona horrek malgutasuna, ekimena dituela eta ez diola beldurrik bide berriak jorratzeari. CV gehienak izan ginenari buruzko laburpen bat dira, eta alde batera uzten dituzte pertsonaren balioak. Batzuk maiz erabiliko ditugu eta beste batzuk gutxiagotan, baina horien guztien konbinazioak lagundu egingo digu nahi dugun atea zabaltzen. Gaitasunen araberako hautaketa “Espediente akademikoak ez du ezertarako balio” baieztatzen du irmoki Googleren Giza Baliabideen arduradunak TheNew York Timesek egindako elkarrizketa batean; izan ere, bi edo hiru urte igaro ostean, zereginak gauzatzeko daukagun gaitasunak ez du zerikusirik unibertsitateko emaitzekin, beste alderdi batzuk eskatzen baitira. Hori dela eta, Googlek bira eman die langileak hautatzeko prozesuei, eta horren ondorioz, euren lantaldeetan elkarrekin aritzen dira prestakuntza akademiko altua duten ingeniariak eta unibertsitate mailako prestakuntzarik ez duten pertsonak. Merezi du gogoraraztea giza baliabideen sailetan maiz errepikatzen den esaldia:“jende gogotsua nahi dugu”. Deskripzioa nahiko zehaztugabea da, baina enpresentzat jarrerak duen garrantzia azpimarratzen du. Lan-eskaintza batzuetan lan horiek betetzeko pertsona...
by Egaz | Api 22, 2016 | Sailkatu gabea
Txorierriko mekanizazioaren industrian berrogei urtez lan egiteak pieza asko sortzeko aukera eman du. Mufel tailerren sortzaileek, hots, Miguel Ángel eta José Ignaciok, Sondikan hasi zuten lana Aitorrek eta Jonek, semeek eta lobek egiten dute orain. “Komunak garbitu edo txirbilak jasotzeko erratza pasatu”, enpresa familiarrean horrela hasi zela gogoratzen du Aitor Fernández Beitiak, egungo gerenteak. Bere anaia Jonek bezeroei arreta ematen die eta produkzioko burua da. Gaur egun, Talleres Mufer-ek 13 langile ditu eta 835.000 euro inguru fakturatzen ditu. Pieza mekanizatuak hornitzen ditu aeronautikako tresnak egiteko, altzairutegirako, sektore petrokimiko zein energetikorako, eta beste hainbat produkzio-plantetarako. Aceros Inoxidables Olarra, ITO, Sener eta Petronor enpresentzat egiten dute lan, besteak beste. Kalitatea emanez lehiatu Hamarkadetan aurrera egin ahala, merkatua aldatu egin da, eta une honetan, jarrera komertzial aktiboagoa behar da merkatuan egoteko, bai Txorierri inguruan, baita haratago ere. “Prezioagatik lehiatzen bazara, azkenean kanpoan geldituko zara. Beste batek prezio merkeagoa eskainiko du, ziur”. Horrexegatik, hain zuzen, epea eta kalitatea dira beraien estrategiaren ardatza. “Bezeroak badaki gehiago ordaintzen duela; beraz, gehiago exijitzen du”, dio Aitorrek. Lehiakortasuna mantentzeko, nahitaezkoa da irabazien zati bat enpresan bertan berriz inbertitzea, batez ere, tresna teknologiko berriak erosteko eta horiek modu eraginkorrean erabiltzen ikasteko behar den prestakuntza jasotzeko. Hori dela eta, Enpresa 4.0 delakoaren inguruan Bizkaian antolatzen diren ekitaldien berri izaten saiatzen da Aitor. “Ondo dago tarte bat hartzea, jasotzen ditugun mezuen atzean zer dagoen ikusteko; izan ere, askotan aukera interesgarriak sortzen dira”. ETE eta enpresa handien arteko harremana Inguruko enpresa guztiak ezagutzea ez da beti lan erraza izaten: “lan batzuk egiteko, azpikontratazioak egiten dira, jakin gabe gugandik benetan gertu dagoen norbait lan hori egiteko gai dela”. Hori aintzat hartuta, eta deslokalizazioa...
by Egaz | Api 13, 2016 | Uncategorized @eu
Otsailean eta martxoan emandako gaitasunen araberako eta taldekako prestakuntza-ikastaroa (hiru aste iraun zituen) multimedia-istorio batean laburtu dugu. Garapen elkarteak bultzatutako Hazilan egitasmoaren baitan, 19 gazteri hainbat gaitasunen inguruko prestakuntza eman zitzaien: talde-lana, sormena eta motibazioa, besteak beste. Helburua da gazte horientzat errazagoa izan dadila enplegua lortzea. Ondoren, banakako orientazio-saioak egin ziren, eta lana bilatzeko edo antzeko eginkizunetarako laguntza eman zitzaien. Hemendik sar zaitezkete multimedia-istoriora (Storify), eta lerro hauen azpian, laburpena bideoan ikusi ahal izango duzue. [View the story “CURSO FORMACION EN VALORES” on...
Iruzkin berriak