window.dataLayer = window.dataLayer || []; function gtag(){dataLayer.push(arguments);} gtag(\'js\', new Date()); gtag(\'config\', \'UA-55799332-1\');
Adimentsuen ihesa geldituz

Adimentsuen ihesa geldituz

Gazte talentudunek atzerrira ihes egitea ez da herri-kondaira bat, baina, denborak aurrera egin ahala, gero eta gutxiagok egiten dute ihes. 2015. urtea albiste onekin hasi omen da; badirudi euskal gazteentzako lan-aukera sortuko dela eta horrek gainean dugun ezkortasunaren hodei beltza desagerraraziko duela. Hays-ek 2015eko Lan Merkatuaren Gida argitaratu berri du, eta bertan modu orokorrean aztertzen dira Espainiako joerak eta soldatak. Gida horren arabera, Euskadiko enpresen % 56k kontratazio berriak egiteko asmoa dute aurten. Datu itxaropentsu horrekin batera, adierazi dute euskal enpresa horiek berek langile gutxiago kaleratu zituztela 2014. urtean. Emaitza horiez harago, hauteman da lanpostu horiek sortzeko arrazoietako bat enpresei eskaintzen zaizkien laguntzak eta diru-laguntzak direla, erakundeen kontratazioa eta hazkundea sustatzeko. Txorierriko enpresetako profesionalei egin dizkiegun elkarrizketetan ikusi dugun moduan, enpresek lehenik eta behin esperientzia eta prestakuntza akademikoa hartzen dute kontuan. Halaber, garrantzitsuak dira haientzat proaktibitatea, dinamismoa, balio-aniztasuna eta lan egiteko gaitasuna ere. Prestakuntza akademikoaren barruan, hizkuntzek ere berebiziko garrantzia dute. Frantsesa, ingelesa, alemana eta portugesa dira Euskadiko enpresentzat balio handiena duten hizkuntzak....
Ikasteko gogoa eta hobetzeko gaitasuna oinarrizko ezaugarriak dira enpresarako

Ikasteko gogoa eta hobetzeko gaitasuna oinarrizko ezaugarriak dira enpresarako

Javier Benito Komunikazio Digitalaren eta Idazketa Teknikoaren koordinatzailea da Ormazabaleko Global Marketing sailean. Ingeniari tekniko elektrikoa da, eta 15 urte daramatza enpresan. Ibilbide horretan, gazte talde asko ikusi ditu instalazioak bisitatzen, eta ederki ulertzen du enpresentzat zein garrantzitsua den belaunaldi berriekin harremanetan egotea. Nola izan duzu “Ezagutu aukeratzeko” programaren berri? Ormazabal zentrala Zamudioko teknologia-parkean dago, eta Egaz Txorierri zuzenean jarri zen harekin harremanetan, instalazioa bisitatzeko. Ormazabalekoek, ordea, Igorreko instalazioak bisitatzea gomendatu zieten, ikasleentzat interesgarriagoak izango zirelakoan. Zerk bultzatu zintuzten programa honetan parte hartzera? Ormazabalen beti saiatzen gara prestakuntza-zentroetara eta unibertsitateetara hurbiltzen, gure berri izan dezaten.Uste dut onuragarria dela bi aldeentzat; izan ere, ikasleentzat aukera ona da industria-enpresa batek nola funtzionatzen duen ikusteko, eta Ormazabalentzat, berriz, aukera ona da ikasle horiek etorkizunean lan-munduan sartzen direnean gure enpresa kontuan har dezaten eta aukera gisa izan gaitzaten. Aurten bigarren aldia da “Ezagutu aukeratzeko” programan parte hartzen duzuena. Zein da zure balorazioa? Egia esan, balorazioa oso positiboa da. Nire esperientzia pertsonala kontuan hartuta, zer ikasi aukeratu behar duzunean, oso gutxi dakizu eta ez duzu ia ezer ikusi. Hortaz, oso interesgarria da gaur egun ikasleek aukera hau izatea; izan ere, lagundu egiten die, agian, lan-kontzeptuaren edo lanbide jakin baten ideia idealizatu oker bat ez egiten. Gainera, enpresentzat ere lagungarria da, belaunaldi berriak nolakoak diren ikusteko. Gomendatuko al zenieke beste profesional edo enpresa batzuei programaren hurrengo edizioetan parte hartzea? Bai, noski. Enpresa batentzat oinarrizkoa da egunerokoarekin harremanetan egotea; izan ere, oso mundu aldakorra da hau, eta bezeroekin izaten diren harremanak ez dira garai batean ziren bezalakoak. Zure ustez, nola laguntzen die ikasleei lan-mundura lehenengoz hurbiltze honek? Nire ustez, enpresak gizatiartzeko modu bat da ikasleentzat, ez...
Arrakastaz amaitu da “Ezagutu aukeratzeko” programaren egonaldien astea Txorierrin.

Arrakastaz amaitu da “Ezagutu aukeratzeko” programaren egonaldien astea Txorierrin.

Aurten ere, zoriontasun-aurpegiak.Hala parte hartu duten ikasleak nola beren enpresetako ateak ireki dituzten profesionalen taldeak ados daude: “Programak aukera ezin hobea ematen du”. Bost egun horietan, Derioko Institutuko eta Politeknika Ikastegiko 73 ikaslek aukera izan dute goiz batez etorkizunean jardun nahi duten lan-esparruko profesionalekin aritzeko. Aurten, oso deigarria izan da hautatutako lanbideen aniztasuna: egonaldiak egin dira genetikaren esparruko enpresetan, telebista-estudioetan, ospitaleetan, laborategietan, marketin-enpresetan… Guztira 45 enpresak parte hartu dute “Hautatzeko, ezagutu”-ren bigarren edizio honetan. “Ez nuen argi zer aurkitu behar nuen, baina goiz honek nire aurreikuspen guztiak gainditu ditu” esan du Aitor Madariaga ikasleak. Aberekin-en egin du egonaldia, behien intseminazio artifizialeko zentroan (Teknologia Parkean dago, Derion).Aitorren iritzia ez da bakarra; izan ere, ikasle gehienek hauxe adierazi dute, egonaldia dela eta: “aukera ona da deskubritzeko benetan nolakoa den jardun nahi dugun lanbidea eta ideia horrekin jarraitzeko edo beste zerbait hautatzeko”. Beste alde batetik, egonaldi horiek neurri handi batean ahalbidetu dituzten profesionalen taldea eta enpresak daude. Ilusioa islatzen dute, belaunaldi berriek egunero egiten dituzten lanen inguruan dutengogoak eta interesak eragindakoa. Halaber, nostalgia ere badute: “nire sasoian ez zegoen halako programarik. Nahiko nukeen nik halako aukera bat eman izan balidate”. Horrela amaitu da “Ezagutu aukeratzeko”-ren bigarren edizioa, eta aurten ere Egaz Txorierrik kudeatu du. Txorierriko Mankomunitateko Gazteria Arloaren ekimena da eta Aldundiko Gazteria Arloak finantzatu...