Egaz Txorierrik 462 pertsonari lagundu die enplegua lortzen 2015ean

Egaz Txorierrik 462 pertsonari lagundu die enplegua lortzen 2015ean

(Argazkia: “Balioetan heztea. Zure ibilbidea enplegurantz” ikastaroa)

Egaz Txorierrik Txorierri haraneko sei udalerrietako enpleguaren eta enpresa-dinamizazioaren zerbitzuak, estatistika propioen arabera, guztira 462 pertsona bideratu zituen Bizkaiko lan-merkatura 2015ean, hautaketa-prozesuetan bitartekari arituz.

Desempleo 2015 Memoria2015eko urtarriletik abendura, Bizkai osoko enpresek 1.410 lanpostu betetzeko eskaerak egin zizkioten erakunde publikoari. Kopuru hori errekorra izan da, eta krisialdiaren aurreko maila ere gainditu egin du: 2007an, kasurako, 1.366 eskaera jaso zituen.

Bizkai osoko 25.000 profil profesionalen poltsa batekin, Egaz Txorierrik hautaketa-zerbitzuak ematen dizkie lurralde historiko osoko enpresei. Txorierri haranean dihardu, hau da, Loiu, Sondika, Derio, Zamudio, Lezama eta Larrabetzu udalerrietan. Eskualde horretan % 9,56ko langabezia-tasa dago, eta, beraz, Euskadin eta estatuan langabe gutxien duten eremuetako bat da.

Txorierri haranak estatu osoko langabezia-tasarik txikienetakoa du: % 9,56

Egaz Alex Loustaunau

Egaz Txorierriko kudeatzaile, Alex Loustaunau

Guztira, 284 enpresak jo zuten Egaz Txorierrira beren hautaketa-prozesuetarako jende bila. Haranaren enpresa-sarea hainbat tamainatako 2.300 konpainia inguruk osatzen dute, eta horietako batzuek Bizkaiko Zientzia eta Teknologia Parkean dute egoitza.

Kokapen geografiko pribilegiatua daukagu, azpiegitura handietatik gertu gaudelako; adibidez, Loiuko aireportutik eta Bilboko Portutik gertu”, azpimarratu zuen Egaz Txorierriko gerente Alex Loustaunauk. Haren esanetan, beste abantailetako bat “erabakitzeko ahalmenetik gertu” egotea da: “Zenbait enpresak hainbat herrialdetan dituzte ekoizpen-instalazioak edo ordezkaritzak, baina hemen dute egoitza nagusia”.

Autoenplegua

2015ean, Egaz Txorierriren autoenplegu-zerbitzuak 61 enpresa-egitasmo sustatu zituen; horietatik 36k aurrera egin zuten, eta denera 47 lanpostu sortu. Proiektuok guztira 1,48 milioi euroko inbertsioa ekarri zuten.

Autoenplegu Sailak negozio-plan bat osatzeko doako aholkularitza eskaintzen du, eta enpresa-kudeaketaren arloan trebatzeko oinarrizko ikastaroak ematen ditu, beharrezkoak Bizkaiko Foru Aldundiaren ekintzailetzarako laguntzak lortzeko.

Egaz Txorierriren autoenplegu-zerbitzuak 61 enpresa-egitasmo sustatu zituen; horietatik 36k aurrera egin zuten

Hauexek dira helburu nagusiak: Txorierri harana susta dezaketen pertsonak bideratzea eta eskualdean enpresa-proiektu berriak ezartzen laguntzea. Enpresa-hazitegi bat dago horretarako, Larragoiti jauregian.

Laguntza publikoak

Egaz Txorierrik, 2015ean, pertsonei zein enpresei enplegua sustatzeko diru-laguntza publikoak lortzen lagundu zien, denera 405.700 eurokoak, besteak beste Eusko Jaurlaritzarenak, Bizkaiko Foru Aldundiarenak eta Europako Gizarte Funtsarenak. Alde horretatik, hainbat programa abiatu dituzte: Global Training nazioarteko bekak, Eusko Jaurlaritzaren Lehen Aukera kontrataziorako laguntzak, Eskualdeko Enplegu Plana eta enpresak sortzeko programa, esaterako.

Submit a Comment

Zure e-posta helbidea ez da argitaratuko. Beharrezko eremuak * markatuta daude


*

Ondorengo XHTML etiketa eta atributuak erabil ditzakezu: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

(function(i,s,o,g,r,a,m){i[\'GoogleAnalyticsObject\']=r;i[r]=i[r]||function(){ (i[r].q=i[r].q||[]).push(arguments)},i[r].l=1*new Date();a=s.createElement(o), m=s.getElementsByTagName(o)[0];a.async=1;a.src=g;m.parentNode.insertBefore(a,m) })(window,document,\'script\',\'https://www.google-analytics.com/analytics.js\',\'ga\'); ga(\'create\', \'UA-55799332-1\', \'auto\'); ga(\'send\', \'pageview\');